Aziya Immunopreparat CPHI Frankfurt 2025 xalqaro ko‘rgazmasida

Germaniyaning Frankfurt-am-Mayn shahrida dunyo farmatsevtika sanoatining eng nufuzli tadbirlaridan biri — CPHI Frankfurt 2025 xalqaro ko‘rgazmasi bo‘lib o‘tmoqda. Joriy yilda O‘zbekiston ushbu tadbirga ilk bor Made in Uzbekistan milliy stendi bilan qatnashib, mahalliy farmatsevtika salohiyati, yuqori sifatli dori vositalari va ilg‘or biotexnologik yechimlarni namoyish etmoqda. «Aziya Immunopreparat» rahbariyati ko‘rgazmada faol ishtirok etib, mehmonlar va hamkorlarga bakteriofag asosidagi innovatsion preparatlar hamda MediPHAGE® va PHAGELA, jumladan AcPhage™ kosmetik mahsulotlari bilan tanishtirmoqda. Kompaniya mahsulotlari ko‘rgazma tashrif buyuruvchilari va xalqaro hamkorlar qiziqishini uyg‘otdi. CPHI Frankfurt 2025: 2400 dan ortiq xalqaro kompaniya, 166+ mamlakatdan ishtirokchilar, 60 000 dan ortiq mutaxassis va mehmon. Ko‘rgazma farmatsevtika sanoatining eng yirik xalqaro platformasi va O‘zbekistonni global bozorga integratsiya qilish yo‘lidagi muhim qadamdir.